Poslovne vesti - Makedonija

Пад на индустриското произодство за 8,5 отсто

Индексот на индустриското производство во март бележи намалување за 8,5 отсто, во однос на истиот месец од минатата година, објави во петокот, Државниот завод за статистика.

Гледано по сектори, индустриското производство во секторот Рударство и вадење на камен бележи опаѓање од 4,7, во Преработувачката индустрија бележи опаѓање од шест отсто, а во Снабдување со електрична енергија, гас, пареа и климатизација опаѓање од 23,8 отсто.

Според главните индустриски групи, производството во март 2012 година бележи опаѓање кај Енергија за 35 отсто, Капитални производи за 13,6 отсто и Tрајни производи за широка потрошувачка за 57,2 отсто, додека бележи пораст кај Интермедијарни производи, освен енергија за 8,4 отсто и Нетрајни производи за широка потрошувачка за 0,9 отсто.

Индексот на индустриското производство во првото тромесечје од годината е намалено за 8,4 отсто во споредба со истиот период лани.